AKSK dhe ACTI lidhin marrëveshje për të fuqizuar sigurinë kibernetike dhe inovacionin në Shqipëri
Ditën e djeshme, nën frymën e një bashkëpunimi të ndërsjellë, u nënshkrua Marrëveshja e parë e Bashkëpunimit midis Autoritetit Kombëtar për Sigurinë Kibernetike (AKSK) i përfaqësuar nga Drejtori i Përgjithshëm Z. Igli Tafa dhe Këshillit Shqiptar për Teknologjinë dhe Inovacionin, (ACTI), i përfaqësuar nga Anëtari i Bordit Drejtues z.Gentian Likaj. Kjo Marrëveshje Bashkëpunimi ka për qëllim forcimin e bashkëpunimit ndërmjet palëve duke kontribuar në krijimin e një mjedisi të sigurt, inovativ dhe të qëndrueshëm digjital, përmes promovimit të sigurisë kibernetike, si dhe fuqizimit dhe zhvillimit profesional të të rinjve në këtë fushë.
Për të arritur qëllimin e mësipërm të kësaj Marrëveshje Bashkëpunimi, palët synojnë të bashkëpunojnë në fushat e mëposhtme:
-Hartimin dhe realizimin e projekteve të përbashkëta në fushën e edukimit dhe ndërgjegjësimit për sigurinë kibernetike;
-Organizimin e programeve të trajnimit dhe certifikimit profesional në bashkëpunim me ekspertë vendas dhe ndërkombëtarë;
-Zhvillimin e aktiviteteve të përbashkëta për promovimin e inovacionit teknologjik dhe ndarjen e praktikave më të mira.
Ky partneritet vjen në një moment kyç për zhvillimin digjital të Shqipërisë, dhe është vetëm hapi hapi i parë drejt realizimit të objektivave të ACTI-t duke pasqyruar një përkushtim të përbashkët për t’i dhënë prioritet sigurisë kibernetike dhe krijimit të një ekosistemi ku inovacioni teknologjik gjen terren të shëndetshëm për rritje.
“Business Magazine Albania” – https://businessmag.al/aksk-dhe-acti-lidhin-marreveshje-per-te-fuqizuar-sigurine-kibernetike-dhe-inovacionin-ne-shqiperi/
